回想全日禁堂食首日的中午，聽到茶水間姐姐大呻「（垃圾多得）兩個黑色大膠袋都裝唔曬」，不少同事逼著要吃外賣，打開垃圾桶是滿滿的膠盒，Natalie形容大感恐怖，倒不如自己做多少少，「我整10幾個飯盒，佢哋唔會叫外賣，就會慳返好多件膠，有意義就繼續做」。另一得著是同事自備餐具、減少用膠，甚至主動回收，「環保L也可感染身邊人」。

離開舊公司後，「抗疫飯盒」暫時下架。Natalie承認，自己買外賣次數因而增加，但仍堅持外出時帶備餐盒，「要應付『口癢』想篤串魚蛋，或趕時間而未能排隊堂食」之需，她笑言，從慳家考慮「外賣平啲」，又不怕消耗短命膠。

素食者、現為「家庭主夫」的澤山，生活大小細節亦貫徹「走塑」。他認為疫情之中「更加係好好機會去思考如何繼續，我覺得是一個好好的試煉」。在疫情前，社會已討論「走塑」，在疫情爆發時更是「試煉我哋係咪真係有呢個決心、更加堅持到」。

澤山平日都會自備食物盒及布袋外出，抗疫生活「無大嘅衝擊或者影響，照番平日咁」。而個人衞生方面，一般日常生活他選擇使用布口罩；外出時亦會多洗手，避免使用難以回收的消毒濕紙巾。他亦強調，個人衞生問題「都係個人意願」，如果有人覺得好需要用，就按需要去做。

不過想要貫徹環保，有時也會受制客觀環境因素。澤山直言，在無選擇下「有時真係寧願食少餐」，或索性食水果等不需要包裝的食物。澤山坦言，雖未遇過餐廳會拒絕他自備餐盒，但在街市購物時，卻令他險破戒，「有啲舖頭試過堅持畀膠袋，我就攞個盒入咗啲餸菜，再還返個膠袋，佢哋通常都接受」。惟他無奈指，有時始終避無可避製造即棄垃圾，他就會洗乾淨，然後送去回收。

澤山在家中亦體現環保，除設回收角，亦會將廢物「物盡其用」，用過的膠樽及玻璃樽，洗乾淨後，會用作盛載乾貨及調味料等，「日常生活最重要是減少使用塑膠」。他又舉例指，在能選擇下會必選擇較環保產品，如沐浴露要連膠容器出售，他就會改買番梘。