視帝馬國明同湯洛雯（靚湯）于去年底結婚，成為一時佳話，日前係大年初一，佢哋第一次以夫婦身份過年，靚湯喺社交網大曬情侶裝合照放閃，首度以「馬太」身份派利是嘅佢，亦跟足傳統大派雙封利是，留言：「新年快樂，身體健康，龍年行好運。邊個想要？」個利是封相當有心思，特別印有佢哋嘅英文名「Roxanna & Kenneth」早埋佢哋婚禮專屬Logo，儀式感十足！

佢嘅已婚好友包括連詩雅、楊茜堯等有送上祝福，而未婚嘅高海寧、朱晨麗、江嘉敏等，紛紛爭住留言同靚湯?利是，最搞笑係馬國明都留咗3個舉手Emoji，竟然想問老婆拎利是，兩公婆隔空大耍花槍，真係閃到爆呀！

馬國明同湯洛雯首次以夫婦身份過年。

湯洛雯跟足傳統大派雙封利是。

馬國明同湯洛雯上年底結婚。

未獲許可，不得轉載。 如有侵權，檢舉並承擔法律責任。