▲ 鍾嘉欣回巢拍新劇《兒童醫院》。
相隔8年,周家怡回巢TVB拍新劇《兒童醫院》,而另亦有消息指,鍾嘉欣承認會由加拿大返港拍劇,與周家怡孖住上做女主角,更傳片酬高達300萬,全劇長30集,即每集片酬有10萬!
鍾嘉欣自2015年與加拿大醫生男友結婚後三年抱兩,並專心留在溫哥華相夫教子,閒時到不同國家出席活動。現時鍾嘉欣的子女已漸長大,不時傳出她會返港拍劇的消息。
▲ 鍾嘉欣2018年曾為劇集《再創世紀》客串。ADVERTISEMENT
而自2018年,鍾嘉欣特地在加拿大為TVB劇集《再創世紀》客串演出後,她近日承認會返港接拍TVB下半年的重頭醫療劇《兒童醫院》。鍾嘉欣今次回巢拍劇,有指片酬高達300萬,以全劇長30集計算,每集便有10萬。
據知,《兒童醫院》的演員陣容還包括周家怡、馬國明及鄭嘉穎等,亦傳幕後班底為香港電視劇集《導火新聞線》組合的監製方俊華與編審潘漫紅,非常有睇頭。
▲ 鍾嘉欣現育有一女一子。(Instagram圖片)
鍾嘉欣花旦之路
鍾嘉欣自2004年參選華姐奪冠入行,一出道便拍處境劇《皆大歡喜》演「洪白嵐」,正式展開演藝生涯。2006年,她便憑僅出道兩年的資歷奪得「飛躍進步女藝員」獎項。
鍾嘉欣憑靚樣好演技及乖乖女形象,獲各大監製李添勝、梁材遠、羅永賢、徐遇安等重用,自此奠定一線花旦的地位,並與胡杏兒、陳法拉、楊怡及徐子珊齊名做TVB的「五大花旦」
▲ 鍾嘉欣2015年與加拿大醫生男友結婚。(Instagram圖片)
鍾嘉欣入行多年,代表作有《法證先鋒》、《溏心風暴》、《點解阿Sir係阿Sir》、《溏心風暴之家好月圓》,及《護花危情》等,亦先後7次提名視後獎項,並打入最後5強,可惜都未能奪獎。
不過,2011年她在《點解阿Sir係阿Sir》的一幕爆喊演技已獲觀眾認同,並在2013年的馬來西亞TVB頒獎典禮,憑劇集《巨輪》的卓靜一角首封視後。
2015年,鍾嘉欣結婚後都留在加拿大生活相夫教子,甚少有幕前演出,並於2017年與TVB完約。睽違5年回巢拍劇,相信會令一眾粉絲非常期待!
撰文 : TOPick 柴犬出動
代表者: 土屋千冬
郵便番号:114-0001
住所:東京都北区東十条3丁目16番4号
資本金:2,000,000円
設立日:2023年03月07日