首頁 » 洪欣被好姐妹蔡少芬大爆情史豐富,被稱「拍拖怪」,18歲開始拍拖,次數記不清,分手還替莫少聰生孩子

洪欣被好姐妹蔡少芬大爆情史豐富,被稱「拍拖怪」,18歲開始拍拖,次數記不清,分手還替莫少聰生孩子
2021/10/01
2021/10/01

現時50歲嘅洪欣最近就出演內地節目《請吃飯的姐姐 》,同圈中好閨蜜蔡少芬、朱茵、陳法蓉一齊拍攝。近日,4人就於節目中大方提及過往戀情,而蔡少芬仲大爆洪欣係「拍拖怪」,令洪欣昔日嘅戀愛史再一次成為線民焦點!

洪欣憑出眾嘅氣質及樣貌而變得人氣急升,再加上於1993年同黎明拍攝TVB劇集《原振俠》而聲名大噪,成為其中一位香港90年代當紅花旦!最近,佢就同好姐妹蔡少芬、朱茵、陳法蓉一齊拍攝內地節目《請吃飯的姐姐》,大曬姐妹情~

佢哋4人嘅感情真係十分好,於節目中無所不談,喺最新一集佢哋仲竟然開始互爆大家嘅戀愛史。蔡少芬就表示洪欣係「拍拖怪」,係需要不停戀愛嘅人,而3位好姐妹都一致認同洪欣係佢哋當中戀愛經驗最豐富嘅一位!而洪欣就話初戀係18歲,不過當被問到拍拖次數時,就直言自己比較冇記性,唔太記得。

節目播出後,洪欣嘅戀愛史就成為咗線民嘅焦點之一,唔少線民就翻查出洪欣入行以來嘅情史!當年,洪欣簽咗劉鑾雄(大劉)嘅娛樂公司後,事業資源同發展的確比以前更加好,不過亦因此而被線民懷疑佢同大劉之間嘅關係。而網上就曾經流傳過一段疑似係李嘉欣同大劉嘅電話通話紀錄,當中女方就好嬲咁話「我真係恭喜你啊,簽咗洪欣,快啲捧紅佢啦!」

1996年,洪欣同富商黃國梁於拉斯維加斯秘密結婚,後來先被媒體報導出來,不過兩人嘅婚姻只係維持咗短短一年!之後,有傳媒報導洪欣因拍攝《亡命天涯》同莫少聰擦出愛火花,直到2000年兩人分手。不過同一時間,洪欣當時亦被媒體爆出未婚懷孕嘅消息,最終誕下兒子莫鎬廉並獨自撫養孩子。

直到2004年,洪欣因為拍攝電視劇《我願意》遇見比佢細10年嘅內地男星張丹峰,並且相戀!而佢就曾經于節目提及張丹峰嘅貼心舉動成功打動到佢,再加上對方亦非常照顧自己嘅兒子,令佢十分感動。兩人於2009年結婚,婚後育有一女,而兒子就改名為張鎬濂。

然而2019年,有內地傳媒就爆出張丹峰疑似同經理人畢瀅關係曖昧,傳出兩人婚變嘅消息!張丹峰隨即發聲明否認傳聞,並表示已經辭掉畢瀅作為經理人嘅職位;而當時洪欣就冇正面回應過婚變嘅傳聞,不過就刪除咗大量同老公嘅合照,令兩人嘅關係變得更加撲朔迷離!

現在夫妻兩個人也會經常合體出現在節目中,力破不和傳言,還是希望一家四口幸福美滿。




用戶評論