.

.

.

想自己一個人住？獨居女生才會享受到的10個樂趣！

細細個就夢想擁有自己的私人空間，大學終于可以一嘗住hall 的滋味，脫離家人的「魔掌」。去到踏入社會工作，心思思想一個人搬出來住，學習獨立。撇除經濟考慮，女生自己一個人住不僅是學習獨立，更有10個好處，讓你返唔到轉頭。

1. 隨心所欲，想吃什麼就吃什麼

跟家人同住，即使OT夜歸，媽媽總會留定住家飯同靚湯，待你回家再翻熱。沒錯，是很貼心的舉動，但有時返到屋企真係無乜胃口，唔想食都要強迫食。

2. 自己一個人住，不用跟人搶廁所

這點很重要！自己一個人住，不用遷就家人的起床時間，想霸廁所幾耐就幾耐，化妝、吹頭都不用趕；沖涼想來個浸浴relax一下完全無問題。男人去完廁所唔揭起廁所板，不用忍受其他人在牙膏中間擠起...想起就爽！

3. 東西都會在原處，保持凌亂美！

跟家人一齊住時，兄弟姊妹可能會郁你啲嘢，借衫著，借護膚品；媽媽又會好心地幫你執枱、執衣櫃，明明放在桌上的東西也「被整理」得不知所蹤，其實在你眼中都是手多多的行為。

4. 整個家的佈置都是由你操刀！

沒錯！大至裝修、傢俬、家電、格局，小至床單、廚具，都由你一手一腳安排和佈置，正正是女生由小到大的夢想，真正擁有屬于自己的小天地。想將成間屋變成粉紅色？想打造無印Feel 日系家居？抑或是將最心愛的Hello Kitty 放滿全間屋？統統由你做主！

5. 獨居可以大膽裸體、裸睡

香港人好少會裸體、裸睡，因為家人都在，哪敢在家中裸體、裸睡？自己一個人住就唔同講法喇，沖沖嚇涼時電話響，也可裸體沖出去聽電話；在家中又可以不戴bra 甚至裸睡，要幾free 有幾free。當然，大前提是記得拉窗簾啦！

6. 終于有機會穿性感睡衣！

單身女都會渴求著性感睡衣，唔一定著俾人睇，著俾自已睇都得。但跟父母一起住，無理由著件性感睡衣在家中走動，好尷尬架嘛。

當搬出去獨居，就無呢個煩惱了，可以丟掉你的白tee 沙灘褲、性感睡衣大派用場！

7. 回家後隨時可大哭釋發壓力

人愈大，在職場、愛情上遇到的波折及壓力比以往大，需要好好抒發。當向家人同住時，你只能壓抑情緒，以免家人擔心；但自己一個人住，回到家中毋須再戴面具示人，想自閉就自閉，想喊就喊，好好做自己！

小時候夢想的Girls’ talk，只能在去camp、住hall、去旅行才實現。當你一個人住，姊妹隨時有心事，都可以踩上你屋企傾通宵，不用怕嘈醒家人，又毋須擔心被人偷聽秘密（你知喇～家長都是八卦的）

9. 家中成為拍拖之所

如果有自己住處，也勢必成為拍拖的據點。可以約男朋友回家煮飯仔、睇場戲、打機，甚至過夜曳曳亦得，毋須去情趣酒店。當然，男朋友上來過夜並不等同同居，你依然有自己的獨立生活，但可以慢慢感受同一屋簷下的拍拖情趣，又不怕因。

 10. 讓你更珍惜與家人、朋友見面

當你自己一個人住，回到家不再吵吵鬧鬧，就會更懷念媽媽叨念的時光；吃慣了味精，又會想起媽媽的住家飯；一個人的時間多了，自然想約朋友見見面、聚聚舊。